WARA-WARA. tegese, wujude lan tuladhane wara-wara

Wara-wara iku pocapan utawa tulisan sing isi awèh weruh arupa pangumuman marang wong akèh. Wara-wara biasané dikarepaké kanggo mènèhi weruh bab kahanan sing wigati . Wara-wara minangka
pretelan kang martakake saweneh kagiyatan, isine cekak aos sarta nganggo basa kang cetha, lan gampang ditampa. Lumrahe sing gawe wara-wara yaiku lembaga pemerintah, organisasi sekolah, panitia lomba, panitia amal, panitia kegiyatan, atau perseorangan.

Wara-wara sing becik iku kudu ana :

1.      Irah-irahan           

2.      Pambuka : sing diwenehi kabar   

3.      Isi  

4.      Panutup : panyuwun / pangajab  

5.      Papan lan titi mangsa

6.      Peprenah/ jabatan sing ngabari

7.      Tapak asta

8.      Asmane: sing tanggung jawab

9.      Basane cetha, gampang dingerteni

Wara-wara bisa kaprinci dadi sanga, yaiku :

1.      Paturan (laporan)

2.      Pratelan (pernyataan)     

3.      Iber-iber (plakat selebaran)        

4.      Sedhahan (ulem, undhangan)

5.      Aben trampil (perlombaan)         

6.      Patembaya (sayembara)

7.      Lelayu (seripah)

8.      Komersial (iklan)

9.      Sandi (ceramah)

Wujud pengumuman ana 2 yaiku

1.      lesan (lumantar media elektronik)

2.      tulis (lumantar media cetak).

Ana pirang-pirang perkara kang kudu digatekake nalika gawe wara-wara. Perkara iku antarane:

a)    Kanggo sapa wara-wara kuwi

b)   Kepriye basane

c)    Apa surasane

d)   Kepriye urut-urutane wara-wara mau

Tuladha

Wara-wara 1

WARA-WARA
Innalillahi wainna Illaihi Roji’un
Assalamu’alaikum Wr...Wb...
Ngaturi menawi dinten Selasa Pahing 20 April 2004, Ibu. Suliyah sampun dipunpundhut Allah SWT.
Almarhum kaparingan umur 82 taun.
Jenasah badhe dipunsarekaken ing Pasareyan Sujarah
Selasa, 20 April 2004
Jam 14.00 WIB
Mbok bilih almarhum gadhah kalepatan dhateng panjenengan, keluarga nyuwun ngapunten.

Wassalamu’alaikum Wr... Wb...
Purbalingga, 20 April 2004
Ingkang nandhang sungkawa
1. Ibu Khotimah
2. Ibu Satiyah
3. Ibu Maryamah

Wara-wara 2

Woro-woro

Kanca-kanca kang daktresnani

Kanggo mahargya pengetan dina Kamardhikan 17 Agustus, OSIS SMA Terbuka Kutasari bakal nganakake lomba maca geguritan. Lomba bakal dianakake ing:

Dina                         :    Kemis

Tanggal                    :    18 Agustus 2011

Papan                      :    Lapangan SMA Terbuka Kutasari

Wektu                      :    08.00 WIB

Kabeh kelas kudu ngirimake wakile ing lomba kasebut

                                                  Purbalingga, 1 Agustus 2011

                                                                Ketua Osis

                                                                Deni Efendi