TEMBUNG ENTAR, GARBA, SAROJA. tegese lan tuladhane tembung entar, garba lan saroja

Tembung Entar

Tembung entar ing bahasa Indonesia diarani kata bermakna kiasan (konotasi). Tembung entar (tembung silihan) iku tembung sing wis oncat saka tegese sing baku utawa tembung sing ora kena ditegesi mung sawantahe.

Tuladha :

1.       Yen kowe melu wong aja pisan-pisan dawa tangane

Dawa tangane sing dikarepake gelem nyolong

2.       Yen wong tuwamu repot ya aja digegem tangane.

Digegem tangane sing dikarepake ora gelem tandang gawe

Kanthi tuladha iku bisa disimpulake yen tembung entar iku tembung sing tegese ora sabenere.

Tembung Garba

Tembung garba yaiku tembung loro utawa luwih sing digandheng dadi siji sarana nyuda cacahe wanda. Tembung garba diarani uga tembung sandi.

Tuladha :

1.        Sarwendah  → sarwa + endah

2.        Narendra  → nara + indra

3.         Prameswari  → parama + iswari

Tembung Saroja

Tembung saroja yaiku tembung loro utawa luwih sing tegese padha utawa meh padha dienggo bebarengan tujuane kanggo mbangetake.

Tuladha :

1.        Sajake warga desa padha katon ayem tentrem lan sayuk rukun mbangun desa.

·         Ayem = tentrem

·         Sayuk = rukun

2.        Susilowati olehe mlaku gandheng renteng karo kancane

·         Gandheng = renteng