Carane Wong Ndonga

Carane Wong Ndonga

Donga kanthi ukara liya kena kawastana nyuwun pitulung mring Gusti. Carane, kita manengku puja hanyenyuwun pitulungan mring Gusti kanthi cara dhedhepe, ukara / kalimat kang sopan, alus, patrap andhap asor, ora perlu seru-seru, ati kang wening ing kahanan suci lair klawan batin miturut tuntunane Gusti.

Sing prayoga sawise kita nyenyuwun mring Gusti kita kudu usaha. Aja mung ndonga wae. Kita tansah nyukuri peparinge Gusti kang wus kita sandhang sasuwene iki. Apa bae! Embuh kuwi arupa jabatan, perusahaan, kesehatan, ma picis raja brana, kapinteran, lan liya-liyane. Kanthi rasa syukur sejatine kita kuwi wus caos atur panuwun marang Gusti kang Maha Murah.

Kadudut saka Majalah Jaya Baya 07, Oktober 2009

Tuladhane Ndedonga

Kanthi tumadhah tangan kekalih, banjur muji pandonga

Dhuh Gusti kang Maha Sampurna, Maha Welas lan Asih mugi paring welas lan asih dhumateng kawula. Keparingan gangsar anggene kawula ngadepi Ujian Nasional. Keparingan gampil anggen kawula nindakaken pasinaon, saenggo saged nggarap soal-soal ujian kanthi mboten wonten ribet.

Naming ing ngarsa Gusti sadaya panyuwun sujud kaijabahi. Amin