LAYANG. tegese, jenise, perangane lan tuladhane layang (surat)

Miturut jenise layang iku kaperang ing ngisor iki :

1.       Layang kiriman utawa layang iber-iber

2.   Layang Paturan

         Yaiku sawijine layang sing isine menehi weruh utawa ngabari samubarang sing kudu

dingerteni dening wong akeh.

3.   Layang Dhawuh

Yaiku layang sing isine dhawuhe wong dhedhuwuran marang andhahane (saka wong sing luwih dhuwur pangkate marang wong sangisore)

4.   Layang Ulem

Yaiku layang undhangane wong sing duwe gawe (mantu, khitanan, ulang taun, lan pahargyan liyane)

5.   Layang Lelayu

Yaiku layang sing isine menehi kabar kesripahan utawa wong kepaten

6.   Layang Ganep

Yaiku layang sing isine jangkep (nggunakake unggah-ungguh sing trep, nganggo bebuka, isi, panutup, tanggal, paprenahan, lan tandha tangan serta jeneng sing ngirim)

Bab-bab kang kudu digatekake ing layang kiriman/iber-iber :

1.       Kanggo sapa layang kasebut dikirim

2.       Yen layang katujokake marang wong tuwa/ wong kang luwih tuwa, prayogane migunakake basa krama.

3.       Yen layang katujokake marang kanca cukup nggunakake basa ngoko.

.....................(1) ......................(2) ......................(3) ..................................................................(4) ..................................................................(5) ..................................................................(6) .......................(7)                                                .....................(8)                                                .....................(9)                                               ....................(10)

                                                                                                                                                                

Perangane layang ganep:

1.  Titi Mangsa,

yaiku perangan kang nyethakake wektu lan papan panulise layang

2.  Adangiyah,

yaiku perangan kang nyebutake marang sapa layang ditujokake

3.  Salam Pambuka

4.  Purwaka Basa,

yaiku perangan sadurunge isine layang lumrahe isi atur pambagya wilujeng

4.       Surasa Basa,

yaiku perangan isi layang utawa kang dadi wigatining layang

5.       Wasana Basa,

yaiku perangan pungkasane layang, isine nyuwun pangapura manawa ana tetembungan sing kurang prayoga

7.  Salam Panutup

8.  Paprenahan,

yaiku perangan kang nyethakake sapa utawa kaprenah apa kang gawe layang

9.  Tapak Asta, yaiku perangan kang nyethakake tandha tangane sing kirim layang

10. Asma Panyerat, yaiku perangan kang nyethakake jeneng sing kirim layang